Jordan Belfort 只係金融業嘅蝦毛,偏偏佢嘅故仔 The Wolf of Wall Street 由金融業大白鯊 Jho Low 劉特佐投資,劉三十歲未到就氹掂馬來西亞總理納吉布係2009年成立國家主權基金「一馬基金」,並由劉幕後操控,最終籌集咗100億美金,45億去咗劉嘅袋,納吉布、佢老婆、佢嘅仔又袋咗7億。

【Billion Dollar Whale】成個故仔係一個貪字!仲要所有貪嘅人都有家底。劉特佐貪做世界級富豪、娛樂大亨,納吉布貪權,佢老婆貪戀珠寶,成班高盛 Goldman Sach 銀行家貪業績、花紅,連 Martin Scorsese 同 Leonardo DiCaprio 都貪,貪一個完全放手佢哋唔計較花錢拍戲嘅投資者,華爾街之狼使咗一億,當中一幕係全新嘅 Lamborghini 撞到爛曬,一般投資者係唔會咁花。

故仔嘅背景係奢華,開幕係劉31歲生日會,花費百萬美金計。然後幕幕係美酒、珠寶、豪宅、遊艇(超豪150呎長以上)、私人飛機…… 99%嘅地球人係唔會有機會體驗。

一馬爆煲原先揾到強國一帶一路去填氹,當然強國都係作大基建玩數字遊戲,但馬來西亞人民嘅醒覺趕走納吉布,然後馬哈蒂爾去強國軟硬兼施咁取消合約。

去到今日,納吉布被判12年罰五千萬美金,高盛花39億美金同馬拉和解,但劉特佐依然係泰國同強國包括港澳逍遙,星加坡曾經要求港府引導被拒,而劉又以7億美金同美國佬和解。