中國企業小米昨日(30日)舉行春季新品發布會,公布新品牌 Logo,隨即成網民熱話。小米發佈會,會留意嘅港人應該少之又少,但今次有日本設計大師、無印良品藝術總監原研哉「加持」係唔同啲,媒體曝光率急增。

大師出手,以為小米新 Logo 肯定煥然一新?成品面世,仍然係橙底白字,字體一樣,唯一不同之處就係由方角變圓角。唔好以為方變圓三分鐘搞掂,小米話係原研哉歷時三年之作,更有傳這次設計費用高達200萬。原研哉另拍片親自解說設計理念,指新標誌採用「超橢圓」輪廓設計,再以「Alive」作概念,從科技與人類不斷接近的關係發想,並表示「比起外在形狀上的改變,我改變的是品牌內在的性質」。

但原研哉的說法貌似未能服眾,中國網民紛紛在小米官方微博留言調侃,稱小米這次「上當了」,也有人指小米董事長雷軍被騙錢了。更有網民貼出 Samsung 手機截圖,手機介面上的「小米商城」標誌也是圓角設計,該名網民嘲笑道:「設計師是不是用三星手機呀,截個圖就設計出來了」。

小米新標誌不只成大陸網民熱話,香港網民都有份吐糟,稱「任何一件事做到極致就係藝術,用三分鐘嘅時間佢可以做到三年,極致喇啩」、「三年?三分鐘咋」、「原研哉係咪想示範中國式原創」。

當人人係度笑原研哉個設計嘅時候,都有人突破盲腸,點出未必係設計師問題,係老細的品味使然,有網民指「我相信,一定係出左N稿之後,老闆話,呢個靚呀都係!version one! 就咁決定!從起點走到終點都係同一個點⋯⋯咁先走完一個圓⋯⋯嘛,夠曬圓」。也有人認為原研哉這次「很厲害」,指「難就難在於『他把變動做到最小』」、「能說服客戶改動最小化,超難」。